MINITI FAKATAHA KOMITI NGAUE THURSDAY - 27/05/04
|
MINITI FAKATAHA KOMITI NGAUE TU’APULELULU 27 ME, 2004
1. Na’e kamata ‘aki ‘a e lotu ‘a e ‘Eiki.
2. Kau ma’u fakataha
Sea: Hon Massaso Paunga.
Haunga Petelo Saia Kamea ‘Ilavalu
Malukava Sione Manu ‘Isi Pofele
Rev Peni Kapavale Latu Solomone Tuita Po’oi Kaufusi
Saia Fonua[sekelitali] Rev Nakita Talanoalelei
3. Poaki: Viliami Sikalu, Kisione Fifita
4. Sea : Na’a ne me’a ‘o fakamalo’ia ‘a e ngaahi ngaue kotoa pe kuo lava pea ‘oku fai ‘a e ongoi mafana ‘i he
‘etau langa ngaue ‘oku fai. ‘Oku tau fakamalo foki kihe fakahoko ‘amanaki ‘a e ‘Otua.
5. Hili hono lau ‘o e miniti na’e fokotu’u ke tali
6. Mea tupu meihe miniti na’e fokotu’u ke toki lave pe kiai ‘i he lipooti ‘a e ngaahi komiti.
7. Fakamatala Pa’anga
Sekelitali-Koe ki’i fakmatala pa’anga pe ‘eni neu ‘omi mei he tauhi pa’anga ‘a ia ko Ma’asi 2004. Na’e ‘i he pa’anga
‘e ua kilu tolumano tupu ka ‘i he ‘aho ni kuo ua kilu fitu mano tupu
Sea: Kuou ‘osi fakamo’oni foki ihe no hili ia eku toe sio mo talanoa kiai moe pangike pea kuo maaumalie ia ka e tu’u
pe koe paletu’a
-Na’e lau leva ‘a e email meia ’Anau Lifuka fekau’aki moe ngaahi feinga pa’anga ‘i ‘Amelika na’e ‘osi lava pea mo
fakamahino kuo ‘osi mavahe mai ‘a e koniteina hono ua pea moe ‘u naunau na’e fiema’u ka koe ‘uluaki koniteina ‘e
‘i Tonga ’i he ’aho 3 ’o Sune. Na’e ’iai mo ’ene fiema’u ’a e fika ‘akauni muli ke fakahu mai kiai ’a e toenga pa’anga
muli hili hono to’o e fakamole kihe ‘u koloa ’i he ongo koniteina, feleti moe fefolau’aki holo ’aia na’e famano tupu
pea koe uamano tupu ‘e fakahu ki he account pehe ’a e faka’amu ki he ’u ta ’o e ngaue ki Lopaukamea 2 ke email
ange.
Sea: Na’e fai ‘a e telefoni mo Sione Pinomi ’o mahino kuo lava ‘a e feinga pa’anga ‘a Pulela’a koe famano tupu ka
‘oku kei toe pe ‘e ngaahi vahe ‘i Sene ke fakakakato ka koe faka’amu ke ‘omi ‘a e seniti kuo maau.
-Na’e ‘iai moe fetu’utaki meia Makasini Malolo kuo maau ‘enau valuafe hili hono to’o ‘a e uaafe ki he internet café.
-Na’e fakamahino ‘a e fiema’u ke ki’i fakafuofua pe ‘a e fakamole kae ‘omi ‘a e seniti ke fakasino pe ‘etau akauni ke
fakapapau’i pe he’ikai fai ha ala leva ki he noo.
-Na’e fakaha pe ki he fakataha koe teniti ‘oku fai ‘a e fakakaukau ‘e toe fakamole kiai ‘ihe seniti ‘i ‘Amelika.’Oku ‘iai
foki ‘a e ngaahi feitu’u ‘i ‘Amelika’oku te’eki fakahoko ‘enau feinga pa’anga hange ko San Bruno, San Mateo ,
Oakland ,Palo Alto, Seattle mo Salt Lake.
-Koe feinga pa’anga ‘a Nu‘usila ‘e toki fai ‘i he uike faka’osi ‘o Sune ka ‘oku fiema’u ke totongi ‘a e sa ‘i he kongaloto
‘o Sune.
-Koe faka’amu ke ‘oua ‘e toe holo ‘a e akauni ‘i he TOP$100,000.00 he ‘oku tahakilu tupu pe toenga ki he sa.
-Na’e ‘iai ‘a e femahino’aki mo Sepuloni ‘e totongi ‘e Nu’usila ‘a e sa pehe ki he ‘u matapa, ka ‘o kapau ‘oku tuai
‘enau feinga pa’anga pea ‘oku totonu ke tau mateuteu ke ‘oua ‘e toe tu’u ‘a e ngaue.
-Na’e osi totongi foki ‘a e vahe tolu ‘e taha ‘o e sa ‘aia na’e tolumano tupu Nu‘usila ‘aia na’e fai mei he akauni muli
pea koe faka’amu ke ‘iai ha seniti lahi ‘i he ‘akauni muli ke talifaki.
8. Lipooti ngaahi Komiti
a). Komiti Fakavahe
Viliami Lino-Ko Vahe Hahake ’oku lele pe ’enau ki’i fakataha holo’o fakatefito ’i he toenga ’inasi moe pola.
-Koe toenga ngaahi vahe ’oku lelei pe.
e) Komiti Langa.
Na’e fakahu mai ’a e lipooti ’o e Langa pea ’oku anga pehe ni
-Koe uike valu ki he hiva ’eni ’o e ngaue.
-Lava ’a e fakava’e, faliki,pou ’i loto pehe ki hono taki ’o e ngaahi me’a fakapalama mo ’uhila.
-Koe ngaahi me’a fakapiliki ’e kakato ia ’i ha ngaahi ’aho si’i ka hoko mai pea kamata aipe moe palasita.
-’E hoko atu aipe hono pimi pea moe hiki ’o e sa ’i he kongloto ’o Sune.
-Koe katoa ’o e ngaahi fakamole kuo ’i he $155,572.54, (koe labour, naunau kuo’osi totongi pea moe landscape
-Ngaahi koloa ’oku kei toe koe taila, tilefix, matapa ’aluminium,kapa’ato ’aia ’e mau ’i Sonasi pea moe luva oku
fakafuofua ki he 30,000.00 tupu Nu’usila.
-Ko hono taila moe palasita ke fai ha talamahu’inga kiai.
-Koe ngaue ’e kakato ki he ’aho 26 ’o ’Okatopa ’aia koe ’osi ia ’a e uike ’e 30.
Sea: Koe faka’amu ke fakamavahe’i pe langa ’ata’ata mei he fakamole kehe pea ’oku ngali fu’u panaki ’a e taimi ki
he ’aho.
Solomone: Ko e ngaue na’e uike ’e 34 ka kuo tukuhifo ki he 30 pe, ka ko’ene ‘ato pe kuo maau ia pea koe fanga ki’i
ngaue iiki pe ia ’oku faka’osi ’o au ki he 26 ’o ’Okatopa.
-Nae fakamalo’ia ’e he fakataha ’a e ngaue lahi ’a e ’Atiteki pehe ki he kau ngaue.
f) KOMITI LANDSCAPE
Sekelitali: Koe’uhi koe ki’i motu’a ’oku ne fai ’a e fanavao na’e muimui ’i he motu’a ni pea ’oku mahino ’a ’ene ta’e
fai kihe me’a na’e fai kiai ’a e femahino’aki pea koe kole ke tuku mai kema fengaue’aki he ’oku ’ikai mate ’a e vao ia
hono fana
- Na’e tokanga ’a e fakataha ke fulihi ’a e konga kimui pea ke vakai ’a Sione Mausia mo ’ene Palau pea ke faka’
ataa ’a e Sekelitali moe kalake ke na sio kiai
- Kuo lava ’a e ngaue ki he ki’i weet eater pea koe Sekelitali tene tokanga’i kakato ia he na’e fu’u lahi ’a e
maumau kiai.
h) KOMITI POLOKALAMA
Na’e ’osi tali foki ke tuku ki he kau fakafofonga mei muli ka koe komiti pe tenau fokotu’u atu ’a e ngaahi hingoa ki he
ngaahi fatongia.
i) KOMITI HIVA
Sione Manu
Fakamolemole pe ’i he tuai ka koe fakakatoa kuo lava ’a hono toe hiki tatau ’o e ’u tu’unga fasi pea koe faka’amu
ke tu’uaki atu leva ’i he media ka kuopau ke lesisita leva kae ’atu ’a e tatau ’o e ’u Hiva.
- Ko e ngaue ’oku toe ko hono fili ha kau fakamaau pea koe sio ’eni ’a e Komiti
Hiva Lotu - Heneli Taliai
Hiva Kakala - Futa Helu
-Fiema’u ke teu kei mama’o kae ’oua ’e ’ai ’etau fa’ahinga me’a faka-kolisi koe toki ako hiva pe he toe uike ’e 2 ’o a’
u ai pe ki he ako hiva ’i he sivi hiva ka ’oku tau fiema’u ha hiva lelei he ta’u ni.
- Ke fakahoko ’a e polokalama TV mo Letio ka hoko ’e he Komiti pola mo e komiti Hiva.
’OFISI LOPAUKAMEA
‘Isi - lelei pe
Saia Fonua - Ko e ki’i kautaha Sunshine Rental ‘oku nau fakalele ‘i ‘ofisi ni pe ‘oku nau totongi ‘uhila moe vai ka koe
fiema’u ke toe fai ha sio kiai.
- Ke teuteu’i ‘a Lopaukamea ni ke ha fakaofoofa ma’u pe.
NGAAHI ME’A KEHE
Fakamalo pe ki he Sekelitali pehe ki he ‘Atiteki ‘i he ngaahi ngaue kotoa pe pea koe faka’amu ke kau pe ‘i ho’omou
loto ‘aki ‘etau ngaue.
- Fakamanatu pe ‘etau BBQ ‘i he ‘aho 4 ‘o Sune ‘i Lopaukamea 11
- Ke faka’ataa ke to’o ha ki’i seniti ki he’etau BBQ kae toki tanaki pe ke tapuni
- Ko e fakamanatu koe laku sa ‘oku ‘iai hono me’a ‘o hange pe ko ‘etau founga ‘oku fa’a fai kiai.
- Ke fai ha sio ki he laku sa he ‘oku totonu ke kau mo ‘ilo pe kiai ‘a e Pataloni
- Na’e toe fai foki moe lau ki he LOGO ‘a e Kolisi Tutuku ke fai hono fakapapau’i
- Na’e ‘iai foki moe laau lea lahi ki he ‘u me’a ‘i he Internet he ‘oku lahi ‘a e ngaue’aki ‘oe ngaahi lea ta’
etaau ‘oku ha ‘i he Internet ‘a ‘Atele pea ‘oku fiema’u moe ‘u ta ki he langa ke ‘ave kiai.
- Na’e fakamanatu ‘oku ‘iai ‘a e Website ‘e taha koe ‘Atele Alumni ‘oku lesisita ‘a e hu kiai pea ‘oku meimei ‘iai
‘a e ‘u ta ‘oe ngaue.
- Na’e fakamahino koe Website ‘oku ‘ataa kiai ‘a e taha kotoa koe la’i ta pe ‘e 2 ‘oku ‘iai
- Ke toki ui ha fakataha ‘a e Komit langa ‘i he uike kaha’u
Sea
Fakamalo atu ho’o mou me’a mai pea tau toki fakataha pe ki Manamo’ui ki he lalo mango he Falaite kaha’u 4 Sune
2004 pea tau fakataha ia pe he taimi kai ho’ata.
Na’e kelesi tuku ai pe ‘a e fakataha ‘i he taimi 6:45pm
Sikalaipe
Sioeli Po’oi Kaufusi
