MINITI FAKATAHA KOMITI NGAUE THURSDAY - 24/06/04
|
MINITI FAKATAHA KOMITI NGAUE 24 Sune, 2004
Tu'apulelulu 24 Sune, 2004
Lopaukamea 1
1. Na'e kamata'aki 'a e Lotu 'a e 'Eiki
2. Kau ma'u Fakataha
Sea: Hon. Dr. Massaso Paunga
Ha'unga Petelo Frank Baker Saia Fonua Motuliki Fakatava
Viliami Lino Rev. Nakita Talanoalelei Viliami Sikalu Kisione Fifita
Malukava Solomone Tuita Naisa Latailakepa 'Isi Pofele
Pauliasi 'Ilavalu Raymond Afuha'amango Po'oi Kaufusi
3. Na'e 'ikai ha poaki
4. Sea- Na'e me'a 'a e sea 'o talitali lelei 'a e hou'eiki tutuku mo fakamalo lahi ki he tauhi hao kuo fai 'e he 'Otua
Mafimafi pea fakahoko 'etau 'amanaki.
5. Miniti Fakataha Fakamuimui
Hili 'a e vakai 'ae kau memipa ki he miniti 'o e 'aho 17 'o Sune na'e fokotu'u ke tali.
6. Me'a tupu mei he miniti
Na'e fokotu'u ke toki fai pe 'a e lau kiai 'i he ngaahi polokalama ngaue moe lipooti 'a e ngaahi komiti
7. Fakamatala Pa'anga
Viliami Sikalu
Na'e fakama'ala'ala mai foki 'e he tauhi pa'anga 'a e tu'unga 'oku 'iai 'a e pa'anga 'a e kautaha tutuku pehe ki hono
ma'u mai 'a e pa'anga US$28,500 meia 'Anau pea kuo 'osi fai foki moe femahino'aki moe Sekelitali 'o Nu'usila, Lua
Manu fekau'aki moe teuteu 'enau feinga pa'anga na'a lava ai pe ke fakakakato 'a e sa pehee ki he 'u matapa
.Na'e 'iai foki moe fepotalanoa'aki mo Sione Pinomi fekau'aki mo e seniti kuo 'osi ma'u 'i he 'enau koniseti 'i Sene na'e
toe lava moe ki'i feinga 'akinautolu na'e 'ikai 'iai pea nau toe tanaki moe tahamano tupu 'aia koe nima mano tupu 'eni
kuo ma'u 'e Sene ka ko 'ene tu'u ia he taimi ni tukukehe 'a Brisbane, na'e 'osi fetu'utaki mai 'a Makasini Malolo kuo
ma'u mo 'enau valuafe hili hono to'o 'enau tokoni ki he internet cafe project koe uaafe.
8. Lipooti Ngaahi Komiti
Na'e fai 'a e fevahevahe'aki moe ngaahi fokotu'u ki he ngaahi komiti ka koe me'a 'eni na'e mahino mei ai, ngali 'oku
tu'u 'a e langa ka 'oku 'ikai ha tuku he kuo kamata 'a e palasitaa pehee ki hono faliki 'o e driveway 'e 'ikai toloi 'a e
ngaue ko ha me'a fakapa'anga he 'oku tu'u pe 'a e noo koe tali ha fiema'u. Na'e 'iai 'a e fokotu'u 'a Frank Baker ke
toloi ki Tisema 'ae huufi ka na'e fakamahino pe kuopau ke kakato pe 'a e ngaue ki 'Okatopa pea na'e 'ikai tali 'a e
fokotu'u koia.
- kuo 'osi ma'u foki moe quotation 'a Tevita Mafi ki he 'u matapaa 'a ia 'oku 'i he NZ $30,000.00 kau ai 'a e hifi mo
hono vili pea 'e 'i heni 'i he 'uluaki uike 'o 'Akosi 'o kamata fokotu'u pea toki tuku ai pe ki ha taha ke ne toki faka'osi.
- na'e fai foki 'a e tokanga ki he sa he kuo ne tomui 'aki 'a e uike 'e ua pea na'a 'oku 'iai ha ki'i monuu ai ke toe to'o 'a
e totongi 'i he'enau tuai.
- faka'amu ke kole ki he kautaha sa ke 'omi 'enau work drawing ke kamata ngaue kiai 'a e tufunga koe'uhi koe taimi 'e
'i heni ai 'a e sa ko hono fokotu'u leva ia.
- koe taila 'a e kautaha 'a Noa 'oku fai kiai 'a e sio kae 'omi 'a e kole meia Kaveinga 'e 'omi mo 'enau
quotation ke fai ha sio kiai fakataha moe kapa 'e 'omi mei Fisi ka koe kautaha Sonasi tenau ma'u pe 'a e
kapa 'i Tonga ni.
- ke toe fai ha vakai'i 'ae ngaahi 'inasi 'oku kei toe na'a lava ke kakato mai 'i he mahina Siulai 'a e 'u toenga.
- koe hiva kuo kamata tufa atu ka ke 'omi 'ae 'u lesisita kihe kalake kae pehee ki he 'u fakame'ite.
- ko vahe Hihifo 'oku lava ai pe 'enau ngaahi pola ki he talitali 'o e malanga 'i he 'aho Sapate 24 'o 'Okatopa pea 'e
toe fai 'a e sio kiai he foki mai 'a e taki 'o vahe Hihifo, Masima Sefesi 'i he 'osi 'a e Konifelenisi 'a ia koe pola 'e 50 pe
lahi hake ai.
'OFISI LOPAUKAMEA
Ko e failotu ki Palasi ki he 'aho 'o e Pataloni koe Pulelulu 30 pea ko Rev. Taasi Kale te ne tataki pea tokoni kiai 'etau
kau faifekau moe kau ako tutuku tenau lava mai.
- Fakamalo kia 'Ilavalu mo 'ene fanau 'i hono fufulu mo tafi 'a Lopaukamea 1 pehee ki hono fakafo'ou 'oe 'aa ke kei
haa faka'ofo'ofa ai pe 'a e 'api ko Lopaukamea.
- Na'e lava foki moe putu 'o 'Alipate Tupou pea na'e kei fakakakato ai pe 'a e fatongia 'oe kolisi tutuku kiai pehee ki he
putu 'o 'apoo he pooni ko e tangata'eiki ko Sione Vailala ka 'e kei fakakakato ai pe 'a e fatongia koia.
KOE NGAAHI ME'A KEHE
- Na'e 'omi foki 'a e ongoongo mei he ngaluope pe koe website 'a e kolisi tutuku 'a e pekia 'a e Tiuta maloloo pea koe
kolisi tutuku ko Leveni Takapautolo pea na'e lava lelei 'a e fatongia 'oe kolisi tutuku 'o a'u ki fa'itoka ki hono fakahoko
'e he hou'eiki tutuku 'o Nu'usila 'a ia na'e taki mai ai 'a e palesiteni 'o Nu'usila, Kautonga Ma'ilei, Lua Manu, Sione Sa,
Viliami Latu, Rev. Sifa Pole moe toenga 'o e kau kolisi tutuku na'a nau faingamalie.
- Ko e 'aho 'oe laku sa 'e 'iai hono polokalama lotu moe ki'i kiekie 'o e ngaahi fu'u sa ka kuopau ke kau kotoa kiai 'ae
hou'eiki tutuku, kolisi lolotonga, fanauako 'o e kaha'u, ngaahi maheni moe kaungame'a 'o e kolisi ki hono fakahingoa
'o e ngaahi fu'u sa.
- ke 'omi ha ki'i kapavali ke vali'aki mo fakalele'i pe ha ngaahi me'a 'e fiema'u 'i Lopaukamea ni he na'e 'osi tali 'a e
kole mai 'a Ha'apai ke nau nofo'anga ai pea pehee foki ki he fakataha lahi 'e fai ai.
- Na'e fai foki 'a e femahino'aki 'a e Palesiteni moe Talekita Ako fekau'aki moe 'etau polokalama ke 'oua 'e 'iai ha
fepaki pea na'e tali lelei 'e he talekita ke fai taha pe ki Lopaukamea 2 pea 'ai mo ha kailao 'a e kolisi lolotonga kiai
- Ko 'etau BBQ ki he 'aho maloloo 'oe 'aho 'oe Tu'i kuo kamata tanaki mai kiai 'a e 'u 'ofa pea 'oku fakaafe'i atu kiai
moe timi 'akapulu kiai koe'uhi tenau fetaulaki mo Toloa 'apongipongi.
- Na'e 'iai moe faingamalie 'o Raymond 'o ne ongoongo pe ki 'Amelika pea mo 'ene fiefia he kau mai ki he fakataha
pea moe 'ofa lahi mei he fangatokoua mei he 'Ikale.
Fakamalo
Na'e me'a leva 'a e Sea 'o Fakamalo 'i he lava 'o e Fakataha pea pehee ki he lava mai 'a Raymond
Afuha'amango ke tau kau fakataha pea 'oku tau fakafeta'i ai pe ki he 'Eiki 'i he 'ene tauhi 'oku fai pea mo tau fiefia ai.
Fakataha hoko 'aho 1 Siulai
Lotu tuku - Rev. Nakita Talanoalelei
Na'e 'osi 'a e fakataha 'i he 7:28pm
Sikalaipe - Po'oi Kaufusi
