MINITI FAKATAHA KOMITI NGAUE THURSDAY - 17/06/04
|
MINITI FAKATAHA KOMITI NGAUE 17 Sune, 2004
Tu'apulelulu 17, Sune 2004
Lopaukamea 1
1. Na'e kamata'aki 'a e lotu 'a e 'Eiki
2. Kau ma'u Fakataha
Sea: Hon. Dr. Massaso Paunga
Ha'unga Petelo Lelenoa (Peni Fifita) Kisione Fifita
Malukava Pauliasi 'Ilavalu Lopaki Fifita
Peni Latu Nakita Talanoalelei Saia Fonua
Viliami Lino 'Isi Pofele Po'oi Kaufusi
3. Poaki: Viliami Sikalu, Saia Kamea
Sea
Na'a ne me'a 'o fakamalo'ia 'a e tauhi 'ofa kuo fai 'e he 'Otua Mafimafi pea tau a'usia ai 'a e ngaahi 'aho ni pea mo
ho'omou faka-faingamalie'i homou taimi hou'eiki tutuku ka mou lava mai ki he 'etau fakataha he 'aho ni. Fakamalo
atu he lava lelei hotau fatongia kihe me'a faka'eiki 'oe Tu'i Ha'ateiho pea kou fakaa'u atu 'a e fakamalo lahi mei he Fale
'o e Tu'i Ha'ateiho he to'ofohe poto ne mou fakahoko fakataha mo e Kolisi Lolotonga. Na'e 'ikai foki toe fai ha lave ki
he miniti fakamuimui kae loto pe 'a e fakataha ke fakatokanga'i.
4. Fakamatala Pa'anga
Na'e fakatokanga'i pe 'e he fakataha 'a e fakamatala fakamuimui ka koe pa'anga pe mei 'Amelika kuo
fakapapau'i eni 'oku 'i 'Aositelelia 'i he 'ulu'i 'ofisi 'oe Westpac, 'oku fai 'a e feinga kiai ke transfer mai.
5. Lipooti Ngaahi Komiti
Komiti Hiva
Malukava- koe fie fakahoko atu pe kuo maau 'a e komiti hiva moe 'u hiva pea teu ki'i folau 'i he ngaahi uike ka hoko
mai ka koe tu'utu'uni koe lesisita mai kae 'atu 'a e tatau 'o e Hiva ke kamata ako.
- kuo 'osi lesisita mai 'a e Hiva 'a Houma, Tatakamotonga, pehe ki 'Alaki mo Pelehake.
- ko e faka'amu na'a 'iai ha siasi 'e tokoni mai 'i he'etau po lotu ke nau fai 'a e ngaahi hiva.
- fakamahino pe koe me'a mahu'inga pe 'a e ngaahi lea 'e fai 'i he po koia ka 'e faka'ataa pe ki ha ngaahi
Siasi tenau fie kau mai ki he polotu fakafeta'i.
- na'e hoko atu ai pe ki he ngaahi fakame'ite 'i he 'aho Tokonaki koe'uhi koe ngaahi ouau ke faka'atu'i 'a e 'Afio 'a e
Tama Tu'i he koe toulekeleka pea 'oku 'ikai ke fiema'u ke 'afio loloa.
- koe fiema'u ke 'ilo 'a e lahi 'o e ngaahi fakame'ite lolotonga 'ae 'afio 'a e Pataloni, na'e loto pe 'a e fakataha ki ha
tau'olunga fakaava ke fai 'e he Hou'eiki pea toki hoko atu ha faiva 'e taha pe ua pea liuaki 'a e Ha'ele pea toki faka'osi
'a e polokalama tukukehe ka mokoi hono finangalo ke 'afio pe ke kakato 'a e polokalama.
- fakatatau ki he palani 'a e komiti koe faka'amu koe Ball 'i he Tu'apulelulu pea fai ai moe ngaahi tau'olunga moe tanaki
'oe ngaahi 'inasi pea ka 'ika malava pea koe 'aho Falaite ke toe fai hano fakalelei'i pea toki faka'osi he 'aho Tokonaki 'i
he ngaahi tau'olunga 'e fakahoko ai.
- koia na'e tuku ki he komiti ke nau fetu'utaki kia Masima Sefesi ke teuteu ha faiva mei Hihifo pea kia
Lelenoa ke ne tokanga'i 'a e faiva mei Hahake pea kia Fakatava ke ne toe vakai'i mo ha ngaahi faiva.
KOMITI POLOKALAMA
- na'e fiema'u ke paasi leva 'a e polokalama pea ke 'ave ki muli kae fai mo nau tuhu'i mai 'a e ngaahi hingoa pea koe
faka'amu ko Siulai kuo kakato 'a e ngaue koia.
- na'e fai foki moe felafoaki lahi ki he polokalama 'o e 'aho, 'e fai ai 'a e huufi moe malanga'i 'oe 'aho 'o e Kolisi ka
na'e tuku pe ki he kau fokotu'utu'u 'oe FAKALANGALEA ke nau sio kiai koe'uhi 'oku 'iai 'a e ni'ihi ke toe fakahuu atu
kiai ka koe me'a pe ke manatu'i na'e 'osi tali pea tuku ki he Hou'eiki Tutuku mei muli ke nau fai 'a e fatongia koia.
-Na'e mahino foki 'oku ngaue ki muli 'a e ongo kolisi tutuku 'oku na patele koia na'e fakamanatu mai ai 'a e ni'ihi ko 'eni,
Rev. Dr. Liufau V. Saulala, Rev. Taniela Vaotangi mo Rev. Sione Havili Maile ki he fatongia 'oku kei ava.
KOMITI LANGA
- ko e patimi moe palasitaa 'oku lolotonga lele he taimi ni mo talitali ai pe ki he sa he ko 'ene tu'u he taimi ni 'e 'i heni 'a
e sa 'i he uike faka'osi 'o Sune ni pe koe 'uluaki uike 'o Siulai.
-Na'e fai 'ae tokanga ki he ngaahi fo'i sa koe fo'i sa 'e hongofulu pea ka fai ha fakakaukau ki hano fakahingoa, neongo
na'e 'iai 'a e ngaahi pole ki he sa, ka na'e loto pe komiti ke fakamahino 'oku 'ikai ko ha toe fakakavenga 'eni ka 'e 'ataa
pe ki ha ni'ihi ke kau mai ka koe faka'amu ke vahevahe 'a e ngaahi fo'i sa ke meimei totofu kotoa pe kiai 'a e kau ako
lolotonga , kolisi tutuku, kau ako 'o e kaha'u moe ngaahi tapa kotoa.
-Na'e fakaha foki moe fiema'u meia 'Anau mei 'Amelika ki ha fa'ahinga koloa 'e ala fiema'u koe'uhi ke fakafonu mai'aki
'a e koniteina 'e 'omai ai 'a e teniti he ka 'omi pe 'a e teniti fungavaka 'e meimei tatau pe 'a e totongi koia moe totongi
ha fo'i koniteina kakato ka na'e fakaha mei he 'Atiteki na'a lava mai ai ha ngaahi naunau fale ki he 'ofisi mo ha toe me'a
pe 'e sio 'e 'aonga mai.
- kuo 'i Tonga ni 'a e 'uluaki koniteina ka 'oku kei fai 'a e tatali ki he kau taki ke 'omi 'enau tu'utu'uni pau kiai ki he 'etau
ngaahi uta ki hano faka'ataa mei he tute.
KOMITI POLA
Na'e 'omi 'enau fokotu'utu'u pea na'e fakamahino pe 'e he fakataha 'oku lelei ka kuopau ke 'omi mo 'enau ngaahi
fiema'u kotoa pe fai ha sio kiai.
LOPAUKAMEA
Failotu ki Palasi ki he teu 'oe 'aho 'o e Tu'i koe Pulelulu 30 'o Sune, 5:00 pm.
Na'e fakamanatu foki 'e he Sea 'a e ngaahi me'a angamaheni ki he teuteu 'o e fatongia koia.
KOLISI LOLOTONGA
Na'e foaki mai foki 'ae teunga 'akapulu fo'ou ma'ae timi Senior 'e Tu'a Suli ki he to'u va'inga 'o e ta'u ni. 'Oku
lolotonga lele foki 'a e sivi mid-year pea 'oku toki 'osi he uike kaha'u.
Na'e fai foki 'a e laaulea ki he polokalama 'o e 'aho fakamanatu koe'uhi ke 'oua 'e toe 'iai ha fefusiaki pea moe 'ofisi
ako pea na'e fakamahino ai koe polokalama na'e fatu pe mei he kolisi tutuku pea toki 'oatu ki 'ofisi ke nau vakai kiai ka
koe komiti kolisi tutuku pe 'oku aofangatuku.
Fakamalo
Na'e me'a 'a e Sea 'o fakamalo'ia 'a e lava 'oe fakataha pea koe faka'amu ke tau ma'u ha katoanga fiefia mo kelesi'ia
he ta'u ni.
Lotu tuku - Nakita Talanoalelei
Na'e 'osi 'a e fakataha 'i he 7:18pm
Sikalaipe - Po'oi Kaufusi
