MINITI FAKATAHA KOMITI NGAUE THURSDAY - 10/06/04
|
MINITI FAKATAHA KOMITI NGAUE 10 Sune, 2004
LOTU 'A E 'EIKI
KAU MA'U FAKATAHA:
SEA: Ha'unga Petelo
Viliami Lino Saia Fehoko Saia Fonua
Saia Kamea Kisione Fifita 'Alani Pahulu
'Isi Pofele Sione Tele Tevita Manu
Vilimai Sikalu Peni Fifita Solomone Tuita
Nakita Talanoalelei Pauliasi 'Ilavalu Po'oi Kaufusi
POAKI:
Hon Dr Massaso Paunga
Sea:
Fakamalo atu pe ho'omou me'a mai pea ko 'eta ki'i laulau nounou pe ka tau tuli ki 'Atele ki hotau fatongia ki he me'a
faka'eiki. Pea 'oku tau tuku kololia ai pe ki he Tu'i 'o e langi 'i he kei fakahoko 'etau 'amanaki.
- Na'e hoko atu ai pe 'a e alelea ki he ngaahi me'a mahu'inga pe ke fai ki ai ha lave.
- Na'e lau leva mo e lisi 'o kinautolu 'oku nau kau ki he ngaahi komiti te nau tokangaekina 'a e ngaahi me'a mahu'inga
'i he lolotonga 'a e lele 'etau katoanga pea koe faka'amu ka 'iai ha ni'ihi ke toe fakatokolahi 'oku 'ataa pe.
LIPOOTI MEI HE LANGA
Saia Fonua
'Oku lele lelei ai pe 'a e langa pea ngalingali 'e tu'u 'apongipongi moe faka'osinga 'o e uike kae toki hoko atu he
Monite 'a e fanga ki'i ngaue iiki pe, pea mo talitali ai pe ki he koniteina ke 'omai ki 'Atele pehe ki ha a'u mai 'a e sa.
- Ko e taila 'oku kei fai pe hono siofi pea koe 'ato 'oku ma'u pe 'i Sonasi pea ngalingali te nau 'omai pe ha totongi
faka'atu'i.
FAKAMATALA PA'ANGA
Viliami Sikalu
Na'e fakahu mai moe fakamatala pa'anga 'o a'u mai ki he 'aho 3 'o Sune ni pea koe fakakatoa 'oe fakamole ki he 'u
ngaue kotoa mo e naunau ko e $21,5609.07
Na'e fokotu'u pea tali 'a e fakamatala pa'anga ko 'eni mo e fakamalo lahi ki he ngaue 'a e tauhi pa'anga lolotonga.
Na'e fakamahino foki 'oku te'eki pe ke ma'u mai 'a e pa'anga mei 'Amelika ka 'oku fai pe muimui'i holo ke 'ilo feitu'u 'oku
'iai.
NGAAHI ME'A MAKEHE:
Na'e fai 'a hono fakapapau'i 'o e failotu ki he me'a faka'eiki 'o e taha 'o e ongo fakafofonga Nopele 'i he komiti pule ko
Hon.Dr Havea Tu'i Ha'ateiho kuo pekia pea 'e fai hono 'apoo he pooni pea 'oku tali mai 'a e kau ifi mei 'Atele ke o 'o
failotu pea ko hotau taimi ko e 7.
TEVITA MALEKAMU
Ko e fo'i 'One'one 'oku nau teu mafana ai pe ki he'etau katoanga 'i he ta'u ni 'a ia 'e fakahoko 'i Nuku'alofa ni.
Na'a ku toki foki mai mei 'Aositelelia pea 'oku mafana 'a e ngaue mei ai pea ne lava foki moe me'a faka'eiki 'o 'enau
Palesiteni, Siosifa Teu Mafi pea ne fai 'e he Kolisi Tutuku 'a e me'a kotoa 'o kamata pe mei he fafanga 'i Falemate mo e
failotu , a'u ki hono 'apoo moe pulua, fata 'i hono fakaha'ele pea fai mo e talamupite 'i Mala'e pea na'e ongo mo'oni ki
he famili 'a e fai fatongia 'a e Hou'eiki Tutuku 'aia na'e taki mai ai 'a Dr Sani Wolfgram mo e Hou'eiki Tutuku tokolahi.
Na'e lava ai pe mo e ki'i lukuluku 'a e Hou'eiki Tutuku 'o tanaki ki he pa'anga tu'upau 'oku fakamafai'i 'e he komiti ki ha
putu 'o ha memipa fakataha mo e pale 'a e kolisi tutuku.
FAKAMALO
Na'e me'a leva 'a e Sea 'o fakamalo'ia 'a e lava 'o e fakataha ka tau teu a ke tau tuli ki 'Atele koe'uhi ke ma'u hotau
taimi failotu pea ko e Palesiteni 'o e Siasi Konisitutone, Faifekau Luke Sikalu te ne tataki pea tokoni ki ai 'a e kau
Faifekau tenau lava mai.
LOTU TUKU - HA'UNGA PETELO
Na'e 'osi 'a e fakataha 'i he 6:03
Sikalaipe
PO'OI KAUFUSI
