MINITI FAKATAHA KOMITI NGAUE THURSDAY - 04/06/04
|
MINITI FAKATAHA KOMITI NGAUE 4 Sune, 2004
Feitu'u: Lalo Mango, Lopaukamea 2
Na'e tatau pea moe ha 'a e feohi fiefia 'a e hou'eiki tutuku 'i he 'aho 4 'o Sune pea talu pe mei he pongipongi 'a e 'ahia
'e he Hou'eiki Tutuku 'a e 'api ko Lopaukamea 2 pea 'asinga ai kuo fusi pea moe fu'u teniti pea 'iai moe Fonua koe
talitali 'oe matu'a pea na'e fakatu'uta moe fita'a ke teuteu 'aki 'a e ki'i fakamamalohi he koe 'aho na'e angi iiki hono 'ea
'o tuha moe 'aho hota fakatau'ataina. Na'e omi ai pe 'a e matu'a pea na'e hoko atu ai pe moe ki'i laulau ki he ngaahi
polokalama fakaangaanga ki he uike 'e fakahoko ai 'etau katoanga.
Hou'eiki Tutuku na'e 'iai:
Sea- Hon. Dr Massaso Paunga,
Taani Taumalolo Fonua ki he Ako Saia Fehoko
Tevita Ma'ilei Saia Kamea Kisione Fifita
Ha'unga Petelo Rev. Senita 'Uhilamoelangi Sione Tele Taufa
Vilimai Lino Rev. Peni Kapavale Latu Rev. Sitili Tupouniua
Malukava Rev. Nakita Talanoalelei Sione Manu
Saia Fonua Palu Tu'akalau Maile Niulala
Viliami Sikalu Mosa'ati Moala (tufunga) Lopaki Fifita
Siaosi Koloamatangi 'Isi Pofele Solomone Tuita
'Akuila Ngauamo Jo Tulua Pauliasi 'Ilavalu
Kitione Maile Mokofisi Mapa Ha'angana Konisitutone
Kaveinga Fa'anunu Po'oi Kaufusi
Sea
Na'a ne me'a leva 'o fakamalo'ia 'a e hou'eiki tutuku 'i he fakafaingamalie'i homou taimi ka mou me'a mai ke tau
faka'ilonga'i 'a e 'aho mahu'inga ni pea mo ho'omou vakai tonu ki homou ivi kuo foaki mai ke fai 'aki 'etau ngaue pea
mo 'inasi fakataha moe tufunga pehee ki he kau ngaue. Na'a ne fakamatala hokohoko ai pe 'a e polokalama kakato ke
mea'i 'i he matu'a tutuku pea na'a nau fiemalie pe kiai.
MINITI FAKATAHA FAKAMUIMUI
Fokotu'u ke tali 'a e miniti 'o e 'aho 27 'o Me
Ha'unga
Na'e hoko atu ai pe ki he ki'i fokotu'utu'u mei he komiti polokalama 'o fekau'aki moe kau fai fatongia 'i he ngaahi ouau
'aia na'e 'iloa koe "Fakalangalea" ke fai hano talanga'i 'a e ngaahi hingoa kuo fokotu'u.
Hili hono lau 'e Ha'unga 'a e ngaahi hingoa pehee ki honau ngaahi fatongia na'e fai 'a e laaulea fekau'aki moe
fokotu'utu'uni pea tuha pe ia moe hingoa koe "Fakalangalea". Na'e fai 'a e felafoaki 'i he ngaahi fokotu'utu'u ni pea
na'e mahu'inga'ia 'a e hou'eiki tutuku 'i he kaveinga ni hange koe ngaahi fakamalanga na'e fai 'e Tevita Ma'ilei,
Fonua ki he Ako, Sitili, Sione Manu, Kitione, moe ni'ihi kehe pea koe me'a na'e mahino 'i he fevahevahe'aki ni na'e
anga pehee ni:
KO E HA 'A E ME'A 'E FAKATEFITO AI 'A HONO FILI 'O HA TAHA KI HE FATONGIA, KOE TA'U MOTU'A PE KOE
LAKANGA HE NA'E 'IAI 'A E TALA 'OE KOLISI MEI MU'A.
Ko ia na'e tuku mai pe ki he komiti ke toe fai ha sio kiai, koe me'a hono ua koe sila 'oe kolisi tutuku koe fiema'u ke
ngaue 'aki pe 'a e fo'i silaa ka koe lanu ke taha pe ke ngaue'aki 'i he 'u feitu'u katoa kae toki fakafai kehekehe'i pe 'i he
vahefonua koia, hange koe sila lolotonga 'oku lanu koula moe lanu mata 'i he loumaile ka koe faka'amu koe lanu mata
ke liliu ke koula 'o 'ikai ha toe lanu kehe mei he koula, hinehina moe kulokula.
Ko ia na'e tali he fakataha 'a e fokotu'u ko 'eni ke ngaue'aki 'a e ngaahi lanu koia pea ke toki takitaha tanaki pe 'e he
fonua ki he sila 'a 'enau faka'ilonga 'oe fonua. eg, ko Nu'usila tenau ngaue'aki 'a e kolisi tutuku, kolisi tonga NZ pe
koe Aust. ki Aositelelia.
Na'e fai ai pe moe fakama'ala'ala 'oe tu'unga 'oe langa 'e he 'atiteki, Solomone Tuita pehee ki he tufunga, Mosa'ati
Moala pea na'e mahino 'a e faka'amu ke 'oua na'a toe tu'u 'a e ngaue koe'uhi koe tali ki ha koloa pea koe faka'amu ke
tokanga'i 'aupito 'a e tafa'aki koia. Na'e mahino koe sa 'a e me'a lahi 'oku fai kiai 'a e sio he 'e a'u pe ki he tahakilu
tupu 'e fakapa'anga'aki. Na'e ma'u ai pe moe ki'i barbarcue na'e teuteu 'e he matu'a fai fatongia pea na'e hulu atu 'a
e teu 'a ia koe lukuluku 'a e ni'ihi 'oku 'ikai tenau fa'a lava mai ka ko 'enau faka'amu ke nau 'aonga mai. Na'e 'ikai
mapukepuke he matu'a honau loto 'i he fiefia ka nau lava atu 'o mamata tonu 'i he tu'unga 'oku 'iai 'a e ngaue neongo
'a e 'uho'uha, na'e 'iai foki moe ni'ihi 'o e ngaahi famili 'oe hou'eiki tutuku na'a nau kau mai ke fakavelevela pe 'a 'etau
teu katoanga,
Lotu Tuku - Tevita Ma'ilei
Sikalaipe - Po'oi Kaufusi
Koia na'e hokohoko atu ai pe 'a e feohi 'o tatau pe 'a e kau pukepuke fonua pehee ki he kau ma'u kava papalangi 'o
toki matuku kuo po'uli.
